यवतमाळ लाईव्ह न्यूज: बॉलिवूडचे ज्येष्ठ अभिनेते धर्मेंद्र यांच्या नावाने सध्या चर्चा सुरू आहेत. मुंबईतील ब्रीच कँडी रुग्णालयात दाखल असलेल्या धर्मेंद्रांच्या निधनाच्या अफवा पसरल्या होत्या, ज्यामुळे बातम्या गाजल्या. आता त्यांची मुलगी आणि अभिनेत्री इशा देओलने यावर प्रतिक्रिया देत सांगितले की, त्यांचे वडील जिवंत आहेत आणि त्यांच्यावर उपचार सुरू आहेत.
इशाने सोशल मीडियावर पोस्ट करून धर्मेंद्रांच्या निधनाच्या बातम्या केवळ अफवा असल्याचे सांगितले. तिने त्यांच्या प्रकृतीबाबत नवीन माहितीही दिली आहे. सोमवारपासून धर्मेंद्रांबाबत विविध प्रकारच्या बातम्या येत होत्या. काल अशी बातमी आली की ते व्हेंटिलेटरवर आहेत आणि आज सकाळी त्यांच्या निधनाच्या बातम्या वेगाने पसरल्या. अनेक माध्यमांमध्ये असा दावा करण्यात आला. पण एशा देओलने या निधनाच्या बातम्या अफवा असल्याचे सांगून सत्य परिस्थिती स्पष्ट केली.
इशाने तिच्या अधिकृत इंस्टाग्राम हँडलवर एक नवीन पोस्ट शेअर केली, ज्यात तिने लिहिले आहे, “मीडिया खूप घाईत आहे आणि बनावट बातम्या पसरवण्यात वेगवान आहे. माझ्या वडिलांवर अजूनही उपचार सुरू आहेत. आम्ही सर्वांना विनंती करतो की, कृपया सध्या आमच्या कुटुंबाला गोपनीयता द्या. बाकी माझ्या वडिलांच्या लवकर बरे होण्याची प्रार्थना करणाऱ्या सर्वांना मनापासून धन्यवाद.”
अशाप्रकारे इशा देओलने धर्मेंद्रांच्या प्रकृतीबाबत नवे अपडेट दिले आणि त्यांच्या निधनाच्या बातम्यांचा खंडन केला. एकंदरीत या बनावट बातमीबाबत एशाचा राग माध्यमांवर व्यक्त झाला आहे.
